Ang dulo ng bahaghari

Inakalang ikaw at ako na hangang sa hinaharap

Ngunit may tuldok ang bawat pangungusap

Inakalang ika'y mananatili

Ngunit may dulo pala ang bahaghari.

 

Dati rati'y puno ng saya

Ba't ngayo'y puro lungkot at luha?

Dati rati'y ang init ng iyong mga lambing

Ba't ngayo'y wala ka na saking piling?

 

Pinilit kalimutan init ng iyong halik

Ngunit mga ala-ala'y lagi na lamang bumabalik

Sinubukang magmahal ng iba

Ngunit sa puso at isip ikaw lang ang nag-iisa.

 

Binago ng pag-ibig ang inosenteng puso

Damdaming nag-aalab tila ba napaso

Manhid na puso takot ng magmahal

Sa pag-ibig di na muling susugal.

 

Bumulong sa hangin ika'y mahal pa rin

Hinihiling sana sa iyo ito ay makarating

Kahit ako ay limot mo na

Hangad ko pa rin ang kaligayahan mo sinta.